چھینے گئے موبائل کی سلفی ڈاکوؤں کو بھاری پڑگئ

کراچی سے چھینے گئے موبائل سے قطر میں بنائی گئی سیلفی ڈاکوؤں کو بھاری پڑگئ ۔ جدید ٹیکنالوجی نے دیار غیر میں بھی گرفتاری کی راہ ہموار کردی ۔
تفصیلات کے مطابق کراچی میں ڈکیتی کے بعد دو ڈاکو غیر ملکی ایئرلائن کے ذریعے پر روانہ ہوگئے ، اور خود کو ہر لحاظ سے محفوظ سمجھنے لگے مگر شومئی قسمت کی لینڈنگ سے پہلے انہوں نے چھینے گئے موبائل سے ایک زبردست قسم کی سیلفی اور کچھ ویڈیوز بنا لیں۔ موبائل فون سے بنائی گئی ویڈیوز اور تصاویر فون کے مالک کی گوگل آئی ڈی پر اپلوڈ ہو گئی جس پر دوکاندار نے ڈاکو کو شناخت کر لیا ۔
ذرائع کے مطابق دونوں ڈاکوؤں نے رواں سال تین اگست کو کراچی کے علاقے بہادر آباد میں قائم ایک دکان سے کچھ گھڑیاں پرفیومز اور دو موبائل فون لوٹے تھے ۔اس واردات کی فوٹیج بی سی سی ٹی وی پر محفوظ ہو گئی تھی ۔
اب جب دکاندار کی گوگل آئی ڈی پر تصاویر اپلوڈ ہو گئیں توڑ دوکاندار نے ڈاکو کو شناخت کر لیا اور ملزمان کی تصاویر بھی پولیس کو فراہم کر دیں جن کی مدد سے ڈاکوؤں کی گرفتاری کی راہ ہموار ہوگئی۔