آرتھر جان آربری ۔ انگریز مستشرق ۔ عربی‘ فارسی اور اسلامی علوم پر دسترسرکھنے کے ساتھ ساتھ قرآنِ پاک کے انگریزی مترجم۔ آپ نے فرید الدین عطار کی ’تذکرۃ الاولیا‘ اور جلال الدین رومی کی ’فیہ ما فیہ‘ کا بھی انگریزی میں ترجمہ کیا۔ آربری نے علامہ محمد اقبال کے دو فارسی مجموعوں ’رموزِ بیخودی‘ اور ’جاوید نامہ‘ کا انگریزی ترجمہ بھی کیا جبکہ اُن شذرات کو بھی شائع کیا جن پر حاشیہ کی صورت میں نکلسن کے اسرارِ خودی کے انگریزی ترجمہ پر علامہ اقبال نے تصحیح کی تھی۔
آربری نے اقبال کی اُردو شاعری سے صرف ’شکوہ‘ اور ’جوابِ شکوہ‘ کا انگریزی ترجمہ کیا۔ آربری کو یہ اعزاز بھی حاصل ہے کہ وہ فرزندِ اقبال ڈاکٹر جاوید اقبال مرحوم کے اُستاد رہ چکے ہیں۔ جان آربری کا انتقال 2 اکتوبر 1969 کو ہوا۔
