وزیراعلیٰ  پنجاب  نے اعلیٰ پولیس افسران کا ویڈیو لنک اجلاس طلب کرلیا

وزیراعلیٰ پرویز الٰہی نے آج پنجاب کےاعلیٰ پولیس افسران کا ویڈیو لنک اجلاس طلب کرلیا۔ذرائع کے مطابق آئی جی پنجاب کو وزیراعلیٰ کے بلائے گئے ویڈیو لنک اجلاس کی دعوت نہیں دی گئی۔ذرائع کا کہنا ہے کہ وزیراعلیٰ پنجاب کا پولیس افسران کی میٹنگ کا دعوت نامہ بذریعہ واٹس ایپ دیا گیا ہے۔ذرائع کے مطابق ایڈیشنل آئی جی ساؤتھ پنجاب سمیت تمام آرپی اوز،ڈی پی اوز اور سی پی او کو میٹنگ میں شرکت کی ہدایت کی گئی ہے۔ذرائع کا کہنا ہے کہ وزیراعلیٰ  پرویزالٰہی پولیس افسران سے ویڈیولنک کے ذریعے خطاب کریں گے۔