گولڈ میڈلسٹ نوح دستگیر بٹ کو برانڈ ایمبیسڈر مقرر

پاکستان کسٹمز نے کامن ویلتھ گیمز کے گولڈ میڈلسٹ نوح دستگیر بٹ کو برانڈ ایمبیسڈر مقرر کرتے ہوئے اسسٹنٹ کلیکٹر کسٹمز کا اعزازی عہدہ بھی دے دیا۔کامن ویلتھ گیمز ویٹ لفٹنگ میں گولڈ میڈل جیتنے والے نوح دستگیر بٹ کے اعزاز میں تقریب کسٹمز ہاؤس لاہور میں منعقد ہوئی ۔ جس میں ممبر کسٹمز آپریشن مکرم جاہ نے نوح بٹ کو اسسٹنٹ کلیکٹر کسٹمز کے اعزازی بیج لگائے۔اس موقع پر ان کا کہنا تھا کہ وہ دیگر کھیلوں کی طرح ویٹ لفٹر نوح کو بھی سپورٹ کریں گے۔ویٹ لفٹر نوح بٹ نے کہا کہ پاکستان کسٹمز کی سپورٹ کے ساتھ ان کی ذمہ داری مزید بڑھ گئی ہے ،گجرانوالہ میں ویٹ لفٹنگ اور ریسلنگ کیلئے اکیڈمی بننی چاہیے۔