اسسٹنٹ کمشنر مانسہرہ کے ڈر سے تندور پر کام کرنے والا نوجوان بجلی کی تاروں سے ٹکرا کر جان بحق

مانسہرہ (بیورورپورٹ) اسسٹنٹ کمشنر مانسہرہ کے ڈر سے تندور پر کام کرنے والا نوجوان بجلی کی تاروں سے ٹکرا کر جان بحق تاجر برادری سراپا احتجاج شاہراہ ریشم بلاک کردی اسسٹنٹ کمشنر قرةالعین کے خلاف ایف آئی آر درج کرنے کا مطالبہ ۔تفصیلات کے مطابق ایبٹ آباد روڈ پر قائم تندور پر کام کرنے والا آصف ولد مومن سکنہ شانگلہ کے پاس اسسٹنٹ کمشنر قرة العین اپنے عملہ کے ساتھ پہنچی اور وہاں رکھے شاپنگ بیگ پر جرمانے کرنے کو کہا کہ آصف ڈر کے مارے سیڑھیوں سے چھت پر بھاگا اور چھت کے ساتھ گزرتی بجلی کی تاروں سے جا ٹکرایا جسے شدید زخمی حالت میں کنگ عبداللہ ٹیچنگ ہسپتال لے جایا گیا اور وہاں اس کی تشویشناک حالت دیکھتے ہوئے اسے ایبٹ آباد ریفر کیا گیا مگر وہ راستے میں ہی جان بحق ہوگیا تاجر برادری اس سانحہ کے بعد سراپا احتجاج بن گئی انجمن تاجران کے صدر حاجی ہارون الرشید نائیب صدر حاجی شاہد خان اور جنرل سیکرٹری حاجی حنیف کی کال پر تاجروں نے مکمل شٹر ڈاون ہڑتال کر دی اور تاجدار ختم نبوت چوک میں احتجاجی مظاہرہ کیا بعد ازاں ہسپتال کے باہر سابق ایم پی اے مفتی کفایت اللہ کی قیادت میں روڈ بلاک کیا مگر اس کے باوجود اسسٹنٹ کمشنر پر پرچہ درج نہ ہوسکا مفتی کفایت اللہ کی قیادت میں ہی مانسہرہ بائی پاس سے شاہراہ ریشم کو ہزاروں افراد نے بند کر دیا اے ڈی سی بابر تنولی ایس پی جمیل اختر نے مظاہرین سے مذاکرات کیے مگر ناکام رہے