شکیل اعوان کے نام پر لوگوں سے رقم اینٹھنے کیلئے نوسرباز سرگرم

خطہ کوہسار سے تعلق رکھنے والے نامور سنگر ، شاعر اور قلم کار شکیل اعوان کے نام پر سوشل میڈیا ڈکیتی کا انکشاف ہوا ہے۔ شکیل اعوان نے اپنے سوشل میڈیا پیج پر مداحوں کو آگاہ کیا ہے کہ کوئی  نوسرباز ان کے نام پر لوگوں سے رقم اینٹھ رہا ہے۔ مذکورہ شخص لندن کے واٹس ایپ نمبر کے ذریعے ان کے جاننے والوں سے رابطہ کرتا اور ہزاروں روپے کی رقم مانگتا ہے ۔ شکیل اعوان نے ثبوت کے طور پر اسکرین شاٹس بھی شیئر کیے ہیں میں مذکورہ شخص ان کے ایک دوست سے شکیل اعوان بن کر 60 ہزار روپے مانگ رہا ہے ۔انہوں نے  اپنے دوستوں اور مداحوں کو خبردار کیا ہے وہ ان کے نام پر ہونے والی سوشل میڈیا واردات سے محفوظ رہیں ۔وہ  اس حوالے سے قانونی چارہ جوئی بھی کر رہے ہیں۔  واضح رہے کہ واٹس ایپ اور فیس بک پیجز کے ذریعے لوگوں کی جعلی آئی ڈیز بنا کر اس طرح کی لوٹ مار کا سلسلہ کافی عرصے سے جاری ہے تاہم ایف آئی اے  سمیت متعلقہ ادارے اس سلسلے میں کسی قابل ذکر کارروائی میں کامیاب نہیں ہو سکے۔