پاک فوج الیون کور کے دستے سیلاب متاثرین کی مدد کیلئے نوشہرہ کینٹ پہنچ گئے

پاک فوج الیون کور کے دستےسیلاب متاثرین کی مدد کے لیے نوشہرہ کینٹ پہنچ گئے۔دریائے کابل میں اونچے درجے کے سیلاب کے پیش نظر خیبرپختونخواکے شہر نوشہرہ میں ایمرجنسی نافذ کرتے ہوئے بعض آبادیوں کو خالی کرنےکی ہدایت جاری کردی گئی تھی۔خیبرپختونخوا کے کئی شہر سیلابی ریلوں کی زد میں ہیں اور نوشہرہ کے بعد چارسدہ بھی سیلاب کے خطرے سے دوچار ہے۔ڈپٹی کمشنر نوشہرہ میررضا ازگن کے مطابق پاک فوج الیون کور کے دستے عوام کی مدد کے لیے نوشہرہ کینٹ پہنچ گئے اور انہوں نے اپنا کنٹرول روم قائم کرلیا ہے۔میررضا ازگن کا کہنا ہے کہ پاک فوج کے دستے کشتیوں اور دیگر سامان سے لیس ہیں جبکہ پاک فوج کے دستے ہیلی کاپٹر سروس بھی فراہم کریں گے ۔