منی لانڈرنگ کی روک تھام ، فیٹف کی ہدایات پر عمل درآمد شرو ع

منی لانڈرنگ کی روک تھام کیلئے کسٹمز اور کرنسی ڈیکلریشن کی فنانشنل ایکشن ٹاسک فورس(فیٹف) کی ہدایات پر عمل درآمد شروع ہوگیا۔سول ایوی ایشن اتھارٹی (سی اے اے) نے تمام ائیرلائنزکو نئی ہدایات جاری کردی ہیں جس میں بیرون ملک جانے والوں کوبورڈنگ پاس کسٹمز اورکرنسی ڈیکلریشن کے بغیرنہ دینے کی شرط لاگو کی گئی ہے۔بیرون ملک جانےوالے مسافروں پر ٹکٹ بکنگ کے وقت کسٹمز اور کرنسی ڈیکلریشن کی شرط عائد کی گئی ہے اور تمام ائیرلائنزکے بیرون ملک مسافروں کیلئے کسٹم ڈیکلریشن اور کرنسی ڈیکلریشن لازمی قرار ی گئی ہےسی اے اے نے بیرون ملک سے پاکستان آنےاورجانے والی پروازوں سے متعلق پالیسی متعین کردی اور کہا ہے کہ ائیرپورٹ پرکاؤنٹرپرکرنسی اورکسٹم ڈیکلریشن کی تفصیل امیگریشن سے قبل فراہم کرنا ہوں گی۔نوٹیفکیشن میں کہا گیا ہے کہ فیٹف گائیڈ لائن پرعمل درآمد کیلئے سی اے اے کسٹمز اور ائیرلائنزکی مدد کرےگا۔