آرمی چیف اور بِل گیٹس کا ٹیلیفونک رابطہ

آرمی چیف جنرل قمر جاوید باجوہ اور مائیکرو سافٹ کے بانی بِل گیٹس کے درمیان ٹیلی فونک رابطہ ہوا ہے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف اور بِل گیٹس کے درمیان ہونے والے ٹیلی فونک رابطے میں صحت عامہ بالخصوص پاکستان سے پولیو کے مکمل خاتمے سے متعلق امور پر تبادلہ خیال ہوا۔آئی ایس پی آر کا کہنا ہے کہ بِل گیٹس نے قومی پولیو مہم میں پاک فوج کی مدد کو سراہا جبکہ آرمی چیف نے پولیو کے خاتمے کیلئے بِل گیٹس اور ان کی فاؤنڈیشن کی کوششوں کی تعریف کی۔ آئی ایس پی آر کے مطابق آرمی چیف نے بِل گیٹس کو پولیو فری پاکستان کیلئے مکمل تعاون کی یقین دہانی کرائی۔