پنجاب پولیس بنی گالا بھیجنےکے مونس الٰہی کے بیان کا علم نہیں، صوبائی وزیرداخلہ

وزیر داخلہ پنجاب کرنل ریٹائرڈ ہاشم ڈوگر کا کہنا ہےکہ انہیں پولیس فورس بنی گالا بھیجنے کے مونس الٰہی کے بیان کا علم نہیں۔لاہور میں میڈیا سےگفتگو کرتے ہوئے صوبائی وزیر داخلہ ہاشم ڈوگر کا کہنا تھا کہ مونس الٰہی سے میرا کوئی رابطہ نہیں ہوا، پولیس فورس بنی گالا بھیجنےکے بیان کا علم نہیں ہےہاشم ڈوگر کا کہنا تھا کہ میں بنی گالا جارہا ہوں،پولیس دستے نہیں میری معمول کی سکیورٹی ہوگی، اسلام آباد میں عمران خان سے مشاورت کے بعد اگلا فیصلہ کریں گے، شہباز گل کی گرفتاری کی مذمت کرتا ہوں۔خیال رہے کہ اسلام آباد پولیس نے بغاوت کے مقدمے میں پی ٹی آئی کے رہنما شہباز گل کو گرفتار کرلیا ہے، ان کی گرفتاری کے بعد اپنی ٹوئٹ میں مونس کا کہنا تھاکہ بنی گالا کی جانب پیش قدمی کا سنا ہے، پنجاب پولیس کو حفاظت کےلیے بھیجا جارہا ہے۔مونس الٰہی کا کہنا تھا کہ عمران خان کو نقصان پہنچانے کی ہر کوشش کو روکا جائےگا، عمران خان تک پہنچنے کے لیے پنجاب کے عوام اورپنجاب حکومت سےگزر کر جانا ہوگا۔