مری میں شجرکاری مہم کا آغاز

4 اگست, 2022 7:26 شام 7 مناظر

ملکہ کوہسار مری میں بھی مون سون کی شجر کاری مہم کا آغاز کر دیا گیا اس سلسلے میں کینٹ فارسٹ مری کے زیر اہتمام احاطہ نور خان لارنس کالج بائے پاس روڈ پر شجر کاری کی ایک تقریب منعقد ہوئی جس میں سٹیشن کمانڈر مری بریگیڈیئر محمد کلیم اور چیف ایگزیکٹو کینٹ بورڈ مری ہل عارفین زبیر نے کینٹ پبلک پرائمری سکول کے طلبا و طالبات کے ہمراہ مقامی اقسام کے پودے لگا کر شجر کاری مہم کا آغاز کر دیا ہے اس موقع پر کینٹ فارسٹ رینج آفیسر عاصم عتیق بابر عباسی اور دیگر نے کینٹ پرائمری پبلک سکول مری کے طلبا و طالبات کے ساتھ مل کر مختلف اقسام کے پچیس سو پودے لگائے سٹیشن کمانڈر بریگیڈیئر محمد کلیم اور عارفین زبیر نے تقریب سے خطاب کرتے ہوئے کہا کہ مون سون کی شجر کاری کی یہ مہم ایک ماہ تک جاری رہے گی اور کینٹ کے مختلف مقامات پر دس ہزار سے زائد پودے لگائے جائیں گے انہوں نے شہریوں میں درختوں کی اہمیت اجاگر کرتے ہوئے اس بات پر ذور دیا کہ یہ ملک ہمارا ہے اور اس ملک کو ماحولیاتی آلودگی سے بچانا ہمارا فرض اولین ہے لوگوں کو چاہیے کہ وہ اپنے گھروں میں مختلف اقسام کے پودے لگائیں کیونکہ درخت زمین کا زیور اور صدقہ جاریہ ہیں جبکہ درختوں سے لینڈ سلائیڈنگ روکنے کے لیے سب سے بڑا ذریعہ ہیں اس لیے عوام کو شجر کاری مہم میں بڑھ چڑھ کر حصہ لینا چاہیے تاکہ ہم اپنے ملک کو فضائی آلودگی سے بچا کر موسمیاتی تبدیلی سے بھی بچ سکیں تقریب میں سکول کی اساتذہ سول سوسائٹی کے نمائندوں اور میڈیا نے بھرپور شرکت کی اور پودے بھی لگائے۔۔

مری میں شجرکاری مہم کا آغاز

Related

متعلقہ خبریں