اسلام آباد(کوہسار نیوز)حکومت اور تاجروں کے درمیان کامیاب مذاکرات کامیاب کے بعد بجلی کے بلوں پر لگایا گیا فکس ٹیکس ایک سال کے لیے مؤخر کردیا گیا ہے۔
کوہسار نیوزکے مطابق وفاقی وزراء کے ساتھ ہونے والے مذاکرات کے بعد ٹیکس مؤخر کئےجانے کا اعلان وزیرخزانہ مفتاح اسماعیل، وزیر توانائی خرم دستگیر اور پاکستان انجمن تاجران کے نمائندوں نے مشترکہ طور پر کیا۔
صدر آل پاکستان انجمن تاجران اجمل بلوچ کا کہنا تھا کہ حکومت کی طرف سے بجلی کے بلوں پر لگایا گیا فکس سیلز ٹیکس ایک سال کے لئے موخر کردیا گیاہے۔
واضح رہے کے بجلی بلوں پر لگائے گئے فکس سیلز ٹیکس کے خلاف ملک بھر میں تاجروں نے احتجاج کرتے ہوئے بجلی کے بل جمع کرانے سے انکار کردیا تھا۔
