چیف الیکشن کمشنر کیخلاف قومی یا صوبائی اسمبلی میں قرار داد پیش نہیں ہو سکتی: کنور دلشاد

سابق سیکرٹری الیکشن کمیشن کنور دلشاد نے کہا ہے کہ چیف الیکشن کمشنر کا عہدہ سپریم کورٹ کے جج کے برابر ہے، ان کے خلاف قومی یا صوبائی اسمبلیوں میں کوئی قرارداد پیش نہیں کی جاسکتی۔کنور دلشاد نے جیو نیوز سے گفتگو کرتے ہوئے کہا کہ چیف الیکشن کمشنر قانونی طور پر ان کے خلاف کارروائی کا حق رکھتے ہیں جس کے نتیجے میں اسمبلی کے تمام اراکین نااہل ہوسکتے ہیں اور تین سال سزا بھی ہو سکتی ہے۔انہوں نے کہا کہ چیف الیکشن کمشنر کا عہدہ سپریم کورٹ کے جج کے برابر ہے، ان کے خلاف قومی یا صوبائی اسمبلیوں میں قرارداد پیش نہیں کی جا سکتی۔دوسری جانب تحریک انصاف کے بانی رکن اکبر ایس بابر نے کہا کہ چیف الیکشن کمشنر کے خلاف ریفرنس کا فیصلہ الیکشن کمیشن پر حملہ ہے، سپریم کورٹ اس پر از خود نوٹس لے۔