شیخ رشیدکی لیک آڈیو سے متعلق جلیل شرقپوری کا بیان سامنے آگیا

مسلم لیگ ن کے سابق رکن پنجاب اسمبلی جلیل شرقپوری سے متعلق مبینہ آڈیو سوشل میڈیا پر لیک ہوئی ہے جس سے متعلق خود جلیل شرقپوری کا ردعمل سامنے آگیا ہے۔ایک ویڈیو بیان میں جلیل شرقپوری کا کہنا تھا کہ مبینہ آڈیو میں شیخ رشید کی آواز ہے تو یہ باقاعدہ منصوبہ بندی ہے، قرآن پاک پر حلف دیتا ہوں کہ شیخ رشید دو نمبر آدمی ہے۔ جلیل شرقپوری کا کہنا تھا کہ شیخ رشید عمران خان کا دشمن ہے، شیخ رشیدکسی کے کہنے پر جھوٹ بول رہا ہے۔ان کا کہنا تھا کہ عمران خان کو بتایا تھا کہ علیم خان آپ کے ساتھ نہیں ہے، شیخ رشید بھی عمران خان کے لیے دو نمبر آدمی ہے۔