اسلام آباد ہائی کورٹ: بشریٰ بی بی کی آڈیو لیک کی تحقیقات کیلیے دائر درخواست سماعت کے لیے مقرر

ذرائعکے مطابق بشریٰ بی بی اور ارسلان خالد کی آڈیو لیک کی تحقیقات کیلئے دائر درخواست پر قائم مقام چیف جسٹس جسٹس عامر فاروق پیر 18 جولائی کے روز سماعت کریں گے۔

درخواست گزار نے مؤقف اختیار کیا کہ ایف آئی اے سائبر کرائم ونگ آڈیو لیک کی فرانزک تحقیقات کرے، بشریٰ بی بی اور ارسلان خالد کو عدالت بلا کر ٹیپ سے متعلق پوچھا جائے اور اگر وہ درست ثابت ہو تو دونوں کے خلاف سخت کارروائی عمل میں لائی جائے۔
درخواست میں وزارت داخلہ، وزارت اطلاعات، چیئرمین پیمرا اور پی آئی ڈی، ایف آئی اے، انٹیلیجنس بیورو اور اسٹیٹ بنک کو بھی میں فریق بنایا گیا ہے۔