پنجاب ضمنی انتخابات میں پاک فوج کے دستے بھی موجود ہوں گے، آئی ایس پی آر

اسلام آباد: الیکشن کمیشن آف پاکستان کی ہدایت پر پنجاب میں پرامن ضمنی انتخابات کے انعقاد کیلئے فوجی دستے بھی موجود ہوں گے جو کسی ہنگامی صورت حال میں انتظامیہ کے ساتھ تعاون کریں گے۔
پاک فوج کے شعبہ تعلقات عامہ (آئی ایس پی آر)کے مطابق الیکشن کمیشن کی طرف سے حساس انتخابی حلقوں میں انتخابات کو پر امن بنانے کیلئے فوجی دستے موجود ہونگے۔
ضمنی انتخابات کے دوران انتہائی حساس مقامات پر پاک فوج کے دستے تیسرے درجے کی سکیورٹی کی حیثیت سے موجود ہونگے.
آئی ایس پی آر کے پاک فوج کے دستے پولنگ کے دوران امن و امان خراب ہونے کی صورت میں کوئیک ری ایکشن فورس کے فرائض سرانجام دینگے۔