ضمنی انتخابات میں ملک کو بحرانوں سے نکالنے والی جماعت کی جیت ہوگی، وزیراطلاعات

اسلام آباد: وفاقی وزیراطلاعات مریم اورنگزیب نے کہا ہے کہ پنجاب کے ضمنی انتخابات میں ملک کو بحرانوں سے نکالنے والی جماعت کی ہی جیت ہوگی۔
اسلام آباد میں میڈیا سے گفتگو کرتے ہوئے وزیراطلاعات و نشریات نے کہا کہ عمران خان کی آج کی تقریر میں یہ واضح ہوچکا ہے کہ انہیں پنجاب اپنی شکست نظر آرہی ہے اس لیے وہ اب الٹی سیدھی باتیں کررہے ہیں۔
کل ملک کو بحرانوں سے نکالنے والی جماعت کی جیت ہوگی، عمران خان نے ملک کو سری لنکا بنانے کی پوری کوشش کی مگر انہیں ناکامی کا سامنا رہا، عدالتیں رات کو اس لیے کھلی کیوں کہ آئین پر حملہ ہو رہا تھا۔
مزید پڑھیں: جرنیلوں کیلئے یوٹرن بہت ضروری ہوتا ہے، عمران خان