کراچی کے حلقہ این اے 245 ضمنی انتخاب کیلئے ریٹرننگ افسر نے امیدواروں کی حتمی فہرست جاری کردی۔
حتمی فہرست میں تمام امیدواروں کو انتخابی نشان الاٹ کردیے گئے ہیں۔ قومی اسمبلی کے حلقہ این اے 245 میں ضمنی انتخاب 27 جولائی کو ہوگا۔
تحریک انصاف کے ٹکٹ پر 2018 میں کامیاب ہونے والے عامر لیاقت حسین کے انتقال کے بعد خالی ہونے والی اس نشست کیلئے 18 امیدواروں کے درمیان مقابلہ ہوگا۔
ایم کیو ایم بحالی کمیٹی کے سربراہ فاروق ستار نے بھی آزاد امیدوار کی حیثیت سے کاغذات نامزدگی جمع کرائے ہیں۔
