توشہ خانہ میں جمع کرائے بغیر گھڑیاں بیچنا عمران خان کا حق ہے، فواد چوہدری

توشہ خانہ میں جمع کرائے بغیر گھڑیاں بیچنے کو  رہنما تحریک انصاف فواد چوہدری نے سابق وزیراعظم عمران خان کا حق قرار دے دیا۔میڈیا سے گفتگو میں ان کا کہنا تھا کہ جس کی گھڑی ہے وہ چاہے بیچے، پھینکے، رکھے، یا کسی کو تحفہ دے ، دوسرا کون ہوتا ہے اس سے پوچھنے والا؟انہوں نے کہا کہ گھڑی بیچنے سے زیادہ عجیب بات ہے کہ ملک کا وزیراعظم 16 ارب روپے کی منی لانڈرنگ کرے۔فواد چوہدری سے بار بار رپورٹر نے سیدھے سوالات کیے  لیکن وہ سیدھا جواب دینے کے بجائے ہر بار بات گھما گئے