اسلام آباد (نمائندہ خصوصی) علامہ اقبال اوپن یونیورسٹی کے "سینٹر فار لینگوئج اینڈ ٹرانسلیشن سٹڈیز” نے یونیورسٹی آف نارتھ ٹیکسس اور انگلشرز ایل ایل ایل انٹرنیشنل، ترکی کے تعاون سے مٹنے کے خطرات سے دوچار زبانوں کی ڈاکیومینٹیشن پر چار روزہ بین الاقوامی تربیتی ورکشاپ کا اہتمام کیا ہے، جس کا آغاز کل بہ روز پیر ہو گا اور یہ ورکشاپ 30 جون تک جاری رہے گی۔
یونیورسٹی آف نارتھ ٹیکسس کی پروفیسر صدف منشی اور ان کی ٹیم زبانوں کے حوالے سے ڈاکیومینٹیشن کے طریقہ کار اور زبانوں کی بقا کے حوالے سے مفصل تربیت فراہم کریں گی۔
ترکی اور پاکستان کے محققین اور ماہرین لسانیات بھی خطرات سے دوچار زبانوں کی بقا کے حوالے سے اپنی تحقیقات کی روشنی میں ورکشاپ کے شرکاء کو تربیت فراہم کریں۔
سینٹر کے ڈائریکٹر ڈاکٹر غلام علی نے اس ورکشاپ کے انعقاد کے سلسلے میں بنیادی کردار ادا کیا ہے۔ وہ افتتاحی تقریب میں شرکاء کو اس ورکشاپ کے اغراض و مقاصد کے بارے میں تفصیلات فراہم کریں گے۔۔ افتتاحی تقریب کی صدارت وائس چانسلر پروفیسر ڈاکٹر ضیاء القیوم کریں گے۔
