قوم کو مبارکباد! فیٹف نے پاکستان کے دونوں ایکشن پلان کومکمل قرار دے دیا، حنا ربانی کھر

برلن: وزیر مملکت برائے خارجہ امور حنا ربانی کھر نے پاکستانی قوم کو مبارکباد دیتے ہوئے کہا ہے کہ فیٹف نے پاکستان کے دونوں ایکشن پلان کو مکمل قرار دے دیا ہے۔
سماجی روابط کی ویب سائٹ ٹوئٹر پر انہوں نے کہا کہ بین الاقوامی برادری نے متفقہ طور پر ہماری کوششوں کو سراہا ہے، ہماری کامیابی 4 سال کے مشکل سفر کا نتیجہ ہے۔
انہوں نے مزید کہا کہ پاکستان اس رفتار کو جاری رکھنے اور ہماری معیشت کو فروغ دینے کے عزم کا اعادہ کرتا ہے۔