نالہ لئی کے اطراف خطرے کے سائرن بجا دئیے گئے

نالہ لئی میں کٹاریاں پر پانی کی سطح 16 فٹ، گوالمنڈی پل پر 14 فٹ تک پہنچ چکی ہے ۔ نشیبی گلیاں، انڈرپاسز اور رہائشی علاقے زیرِ آب آ چکے ہیں۔۔ نالہ لئی کے اطراف خطرے کے سائرن بجا دئیے گئے، ہائی الرٹ پر پانی نکاسی کے عملے اور مشینری تعینات کی گئی ہے ۔محکمہ موسمیات اور واسا نے نشیبی علاقوں میں پانی کے جمع ہونے کے باعث فلڈ ایمرجنسی نافذ کر دی ہے۔ ریسکیو 1122، واسا، سول ڈیفنس اور وفاقی ادارے ہائی الرٹ ہیں، اور ضرورت پڑنے پر پاک فوج کو امداد کے لیے طلب کیا جائے گا ۔ زمینی اور فضائی استطاعت کے ساتھ ریلیف آپریشن جاری ہے۔ محکمہ موسمیات نے آئندہ 24–48 گھنٹوں میں اسلام آباد، راولپنڈی، بالائی پنجاب، کشمیر، خیبرپختونخوا میں مزید شدید بارش کی پیشگوئی کی ہے ۔ شہریوں کو احتیاط کرنے اور غیر ضروری سفر سے گریز کرنے کی ہدایت کی گئی ہے۔