مری سیاحوں کے لئے ٹریفک ایڈوائزری جاری

سی ٹی او مری وسیم اختر نے حالیہ بارش کے پیش نظر ٹریفک سٹاف کو متحرک رہنے کی ہدایت کی ہے، انہوں نے کہا کہ ٹریفک افسران و اہلکار دوران بارش ٹریفک کی بلا تعطل روانی کو یقینی بنائیں۔

انہوں نے کہا کہ دوران بارش چھتری و برساتی کا استعمال کریں، کسی بھی قسم کی ایمرجنسی کی صورت میں دوسرے محکمہ سے مکمل رابطے میں رہیں، سی ٹی او وسیم اختر نے ہدایت جاری کرتے ہوئے کہا کہ ڈی ایس پیز / سیکٹر انچارجز دوران بارش خود فیلڈ میں موجود رہ کر ٹریفک کو رواں دواں رکھیں۔

یہ بھی پڑھیں:۔پٹرول5 روپے 36 پیسے ،ڈیزل 11 روپے 37 پیسے مہنگا

سی ٹی او مری نے کہا کہ شہری بارشوں کے دوران اپنے بچوں کو برساتی نالوں، بجلی کے کھمبوں اور دیگر نقصانات دینے والی جگہوں سے دور رکھیں، دوران بارش سڑکوں پر پیدل سفر کرنے والے افراد کا خیال کریں گاڑی کی رفتار کم رکھیں۔

یہ بھی پڑھیں:۔ڈاکٹر یاسمین راشد کی طبیعت بگڑگئی،اسپتال منتقل

گاڑیوں میں سفر کرنے والے شہری تیز بارش کی صورت میں سکرین وائپر اور ڈبل انڈیکیٹر کا استعمال کریں، شہری دوران بارش ڈرائیونگ کرتے ہوئے صبر اور تحمل مزاجی کا مظاہرہ کریں۔

سی ٹی او مری نے کہاکہ ٹریفک پولیس شہریوں کی جان و مال کے تحفظ و ٹریفک کی روانی کے لیے تمام دستیاب وسائل کو بروئے کار لا رہی ہے۔