بیروٹ خورد کے نوجوان پر مری میں بہیمانہ تشدد

بیروٹ خورد کے نوجوان پر مری میں بہیمانہ تشدد

ملکہ کوھسار مری میں جرائم تیزی سے پھیلنے لگے۔ بیروٹ خورد کے رہائشی ایک معصوم بچے کو پٹرولچھڑک کر آگ لگا دی گئی ۔
اطلاعات کے مطابق سرکل بکوٹ کی یوسی بیروٹ (بیروٹ خورد) کے گاؤں لہورکس سے تعلق رکھنے والا کمسن نوجوان فہدزاہدستی، جو مری میں ایک ہوٹل پر کام کرتا ہے، جمعرات کو نماز فجر پڑھنے کیلئے ھوٹل سے نکلا تو راستے میں کچھ نوجوانوں نے اسے روکا اور تلاشی لی لیکن اس کے پاس سے جب کچھ نہ ملا تو سفاک ملزمان نے اس کے جسم پر پٹرول چھڑک کر اگ لگا دی جس کے نتیجے میں وہ جھلس کر شدید زخمی ہو گیا۔فہد زخمی حالت میں ہولی فیملی ہسپتال راولپنڈی میں زیر علاج ہے۔