پوٹھوہاری غزل

قسماں پَہھنّی ، دل شوہدا زخمائی تے
کتھے ٹری پے سنگی جندرے لائی تے

اچّھی گچّھی ایہے میہنا لبھا وے ؟
چپ چپیتا بیٹھآں اگ پہھڑکائی تے ؟

شوہدیاں اپر پہھورا مان تران نہ رکھ
شوہدے مُکری جانے گلاں بائی تے

یاد وی ڈاہڈی شے ای صرفا نینہ کرنی
کاتی لغنی پورا بندہ کھائی تے !

ڈاہڈا اوخا پینڈا کٹی آئے آں
کہھر پوہتے آں ٹُھڈّے شُڈے کھائی تے

بچیا ککھ نینہ ، فر وی کیڈا خُش آں میں
ڈِنگ تریھڈے اکھر چار کمائی تے !

عبدالرحمان واصف

کہوٹہ