عمران خان تین حلقوں سے الیکشن لڑیں گے،گوہر خان

چیئرمین پی ٹی آئی بیرسٹر گوہر خان نے کہا ہے کہ بانی پی ٹی آئی تین حلقوں ،لاہور ،میانوالی اور اسلام آباد سے الیکشن لڑیں گے۔

چیئرمین پی ٹی آئی بیرسٹر گوہر خان نے میڈیاسے گفتگو کرتے ہوئے کہا کہ بانی پی ٹی آئی کی سزا ختم کرنے کا فیصلہ بھی جلد آجائے گا،

ملک کی سب سے بڑی سیاسی جماعت کو انتخابی نشان ملنا اس کا حق ہے۔

یہ بھی پڑھیں عمران خان کے بھانجے کا جیل سے الیکشن لڑنے کا اعلان

ان کاکہنا تھا کہ ٹکٹیں دینے سے متعلق بانی پی ٹی آئی سے بات چیت کررہا ہوں، تمام جماعتیں اکٹھی ہوجائیں تو بھی ان کو شکست دیں گے،

چاہتے ہیں عوام اپنے ووٹ کا حق استعمال کرسکیں ، چیف جسٹس سے درخواست ہےعوام کےحقوق پرڈاکاڈالنےسے روکنے میں کردار ادا کریں۔

یہ بھی پڑھیں پی ٹی آئی رہنما اسد قیصر مردان جیل سے رہا

اس موقع پر بیرسٹر علی ظفر نے کہا کہ ہم چاہتے ہیں کہ الیکشن 8 فروری کو ہی ہوں،

ٹکٹوں کا فیصلہ بہت جلد ہوگا، ان امیدواروں کو ترجیح دی جائے گی جنہوں نے پارٹی کیلئے قربانیاں دیں۔

یہ بھی پڑھیں 3 بڑی پارٹیوں نے چیف الیکشن کمشنر کو ہٹانے کا مطالبہ مسترد کردیا

ان کاکہنا تھا کہ شفاف الیکشن نہ ہونے سے جمہوریت کو نقصان ہوگا،

بانی پی ٹی آئی کے پاس کل کاغذات نامزدگی لے کر جائیں گے، بانی پی ٹی آئی عام انتخابات ضرور لڑیں گے۔

یہ بھی پڑھیں پرویز الہٰی 6 حلقوں سے انتخابات میں حصہ لیں گے، وکیل پرویز الہٰی

انہوں نے الزام عائد کیا کہ ہمارے امیدواروں سے کاغذات نامزدگی چھینے جارہے ہیں

،یہ غیر جمہوری عمل ہے، ہم عدالت کا دروزاہ کھٹکھٹائیں گے،

چیف الیکشن کمشنر سے مستعفی ہونے کے مطالبے کی حمایت نہیں کرتے۔