مریم نواز نے ساملی ہسپتال مری کی جلد تکمیل کا حکم دے دیا
لاہور،،،وزیر اعلیٰ پنجاب مریم نواز شریف کی زیر صدارت کمشنر آفس راولپنڈی میں خصوصی اجلاس منعقد ہوا – اجلاس میں طے پایا کہ وزیر اعلیٰ مریم نواز شریف مجموعی صورتحال کا جائزہ لینے کے لئے اضلاع کا دودہ کرینگی۔وزیر اعلیٰ مریم نواز نے طویل عرصے سے زیر التوا پراجیکٹس کی تفصیل طلب کر لی ہے۔وزیراعلیٰ مریم نواز شریف نے راولپنڈی میں ضروری اشیاء خوردونوش کے نرخ کا جائزہ لیا۔ راولپنڈی میں سبزی منڈیاں اور سہولت بازار قائم کرنے کا فیصلہ کیاگیا۔راولپنڈی میں اسسٹنٹ کمشنر کی تعداد بڑھانے کا اصولی فیصلہ کیاگیا۔ وزیر اعلیٰ مریم نواز شریف نے چھوٹے بڑے شہروں میں پبلک ٹوائلٹس کی روازنہ صفائی کی ہدایت کی۔ آر پی اوز اور ڈی پی اوز کو عوامی مساجد میں نماز جمعہ میں شرکت کی ہدایت کی۔شہروں میں مین پلاسٹک ہول ڈھکن متعارف کرنے پر اتفاق کیاگیا۔وزیراعلیٰ مریم نوازشریف نے کہا کہ ملک کو ترقی کے لئے امن واستحکام چاہیے۔ فرائض میں کوتاہی کسی صورت برداشت نہیں۔ پولیس کی کسی تعیناتی میں کوئی سیاسی عمل دخل نہیں۔کام کر کے دکھائیں۔ محض جرمانہ کافی نہیں۔ گراں فروشی پر تین دن کے لئے دکان بند کی جائے۔ انہوں نے کہا کہ سہولت بازار میں خواتین دکانداروں کی حوصلہ افزائی کی جائے۔صفائی ستھرائی کا مسئلہ گلی محلوں میں زیادہ ہے۔نگرانی اور مانیٹرنگ کے بغیر کوئی کام کرنے کو تیار نہیں۔ شہریوں میں گرین بیلٹ اور مارکنگ یکساں ہو نی چاہیے۔ سالانہ ترقیاتی پروگرام کے تحت زیر تکمیل اور نئے پراجیکٹس پر پیش رفت کی رپورٹ پیش کی گئی۔وزیراعلیٰ کو بریفنگ میں بتایاگیا کہ نالہ لئی کی مون سون بارشوں سے قبل صفائی سے سیلابی کیفیت نہیں پیدا ہوئی۔مری میں 35 غیر قانونی بلڈنگیں مسمار کردی گئی ہیں۔مری کی ساملی ہسپتال کی جلد تکمیل اور دونوں ہسپتالوں کے لئے ٹرانسپورٹ جلد شروع کرنے کا حکم دیا۔ایم این اے راجہ اسا مہ سرور،حسن اورنگ زیب،چیف سیکرٹری زاہد زمان اختر، کمشنر عبدالعامر خٹک،ڈی سی مری ظہیر عباس شیرازی، آر پی او بابر سرفراز، ڈی سی راولپنڈی حسن،اے ڈی سی مری شہریار شیرازی اے سی مری کیپٹن ر عبد الوہاب اورڈی ایس پی ملک ارشد نے شرکت کی۔