گوجرخان میں ایک اورتحصیل کااضافہ،دولتالہ کو تحصیل کا درجہ مل گیا

 وزیر اعلی پنجاب چودھری پرویز الٰہی کی خصوصی ہدایت پر راولپنڈی کی تحصیل گوجر خان میں ایک اور تحصیل کا اضافہ کر دیا گیااور  دولتالہ کو تحصیل کا درجہ دینے کی اصولی منظوری دے دی گئی –

وزیراعلیٰ پنجاب چودھری پرویزالٰہی سے گوجر خان اور راولپنڈی سے تعلق رکھنے والے اراکین صوبائی اسمبلی نے  وزیر اعلی آفس میں ملاقات کی- ملاقات کرنے والوں میں صوبائی وزیر راجہ بشارت، امجد محمود چودھری، چودھری ساجد محمود اور جاوید کوثر شامل تھے -ندیم قریشی بھی اس موقع پر موجود تھے-وزیر اعلی چودھری پرویز الٰہی نے دولتالہ کو تحصیل کا درجہ دینے کا نوٹی فیکیشن اراکین صوبائی اسمبلی کو دیا -راجہ بشارت، امجد محمود چودھری، چودھری ساجد محمود اور جاوید کوثر نے دولتالہ کو تحصیل کا درجہ دینے کے اعلان پر وزیر اعلی چودھری پرویز الٰہی کا شکریہ ادا کیا –

چودھری ساجد محمودنے کہا کہ دولتالہ کو تحصیل کا درجہ دے کرآپ نے ہمارا دیرینہ مطالبہ پورا کیاہے۔ آپ نے ہمارے اور علاقے کے عوام کے دل جیت لئے ہیں۔چودھری پرویز الٰہی نے کہا کہ تحصیل بننے سے دولتالہ میں پائیدارترقی ہوگی اورملازمتوں کے نئے مواقع پیدا ہوں گے اوردولتالہ میں عوام کو بنیادی سہولتوں کی فراہمی میں بہتری آئے گی-