ڈنمارک میں قرآن پاک کی بےحرمتی جرم قراردے دی گئی

ڈنمارک کی پارلیمنٹ نے قرآن پاک کی بے حرمتی غیرقانونی قرار دے دی ہے۔ بےحرمتی روکنے کا بل پارلیمنٹ سے منظور ہو گیا ہے جس کے بعد ڈنمارک میں عوامی مقامات پر قرآن پاک کی بےحرمتی غیرقانونی ہوگئی ہے۔

خیال رہے کہ ڈنمارک اور سوئیڈن میں پچھلے کئی ماہ میں قرآن پاک کی بےحرمتی کے متعدد واقعات ہوئے تھے جس کے بعد مسلمان ممالک نے ایسی مذموم حرکتوں پر پابندی کا مطالبہ کیا تھا۔ اس حوالے سے ڈنمارک کی حکومت پر سخت دباؤ تھا جو اب رنگ لے آیا ہے۔

مبصرین کا کہنا ہے کہ اس قانون کی منظوری کے ذریعےڈنمارک نے آزادی اظہار کے قانون اور قومی سلامتی کے درمیان توازن قائم کرنے کی کوشش کی ہے جس کے مثبت اثرات مرتب ہوں گے۔

Desecration of Holy Quran has been made a crime in Denmark,ڈنمارک میں قرآن پاک کی بےحرمتی جرم قرار