وزیر اعلیٰ مریم نوازشریف کا پنجاب دھی رانی پروگرام شروع
وزیر اعلیٰ پنجاب مریم نوازشریف نے پنجاب دھی رانی پروگرام شروع کردیاہے۔وزیر اعلیٰ مریم نوازشریف کی طرف سے اجتماعی شادی میں نئے جوڑوں کو اے ٹی ایم کے ذریعے ایک لاکھ روپے سلامی دی جائے گی۔ہر جوڑے کے 20 مہمانوں کو کھانا بھی پیش کیا جائے گا-ضروری فرنیچر، گھریلواستعمال کے برتن، کپڑے اور دیگر روزمرہ استعمال کی اشیا کاتحفہ پیش کیا جائیگا۔اجتماعی شادیوں کے لئے پنجاب دھی رانی پروگرام کے تحت درخواستوں کی وصولی شروع ہوگئی ہے-
پنجاب دھی رانی پروگرام میں شمولیت کے لئے درخواستیں آن لائنcmp.punjab.gov.pk پر جمع کرائی جا سکتی ہے-پنجاب دھی رانی پروگرام کے لئے وزیر اعلیٰ مریم نوازشریف کی ہدایت پر ہیلپ لائن 1312 بھی قائم کردی گئی ہے-دھی رانی پروگرام میں شفافیت کے لئے درخواست دہندگان کوخصوصی ٹیمیں گھر جار کر تصدیق کریں گی-