علی امین گنڈا پور نے پی ٹی آئی میں شمولیت اختیار کرلی

علی امین گنڈا پور نے پی ٹی آئی میں شمولیت اختیار کرلی
وزیر اعلیٰ خیبر پختونخوا علی امین گنڈا پور واپس پی ٹی آئی میں شامل ہو گئے ۔

تفصیلات کے مطابق آزاد حیثیت سے الیکشن جیتنے کے بعد علی امین گنڈا پور نے کسی سیاسی جماعت میں شمولیت اختیار نہیں کی تھی

مخصوص نشستوں کے معاملے پر پی ٹی آئی میں شامل ہونے کیلئے وزیر اعلیٰ سمیت 70 ارکان اسمبلی نے حلف نامے پارٹی کے پاس جمع کرا دیے ہیں

اس حوالے سے صوبائی وزیر قانون آفتاب عالم نے کہا ہے کہ ارکان، سنی اتحاد کونسل سے واپس پی ٹی آئی میں شامل ہوگئے ہیں۔

ان کا کہنا تھا کہ سپریم کورٹ کے فیصلے میں واضح ہے کہ تحریک انصاف سیاسی جماعت ہے

مخصوص نشستیں پی ٹی آئی کا حق تھا، اور یہ حق ہمیں مل گیا ہے،آفتاب عالم نے مزید کہا کہ آرٹیکل 6 ان پر لاگو ہوتا ہے جنہوں نے آئین کے مطابق انتخابات نہیں کرائے۔