تحریک انصاف کو ریلی کی اجازت کن شرائط پر ملی ؟

پاکستان تحریک انصاف کو آج لاہور میں ریلی نکالنے کی مشروط اجازت مل گئی۔ اس سلسلے میں ڈپٹی کمشنر لاہور رافعہ حیدرنے باقاعدہ اجازت نامہ جاری کردیا ہے۔

ذرائع کا کہنا ہے کہ ضلعی انتظامیہ کی جانب سے پی ٹی آئی سے حلف نامہ  لینے کے بعد اجازت دی گئی ہے۔ اجازت نامے میں مندرجہ ذیل شرائط عائد کی گئی ہیں۔

1۔عدلیہ اور اداروں کی خلاف تقاریر کی اجازت نہیں ہوگی،

2 ۔سیکیورٹی کو بہتر بنانے کےلئے فوکل پرسن اور پی ٹی آئی زمہ داران متعلقہ سیکیورٹی حکام اور ضلعی انتظامیہ کے ساتھ تعاون کریں گے

3۔ ٹریفک میں خلل نہ ڈالنے اوراسے  رواں دواں رکھنے کےلئے پی ٹی آئی کے ذمہ داران ضلعی انتظامیہ اور ٹریفک پولیس سے مکمل تعاون کریں گے۔

4۔ کسی قسم کی  پبلک پراپرٹی کو نقصان پہنچنے کی صورت میں پی ٹی آئی کی متعلقہ انتظامیہ زمہ دار ہوگی۔

5۔ ساؤنڈ سسٹم کے استعمال کےحوالے سے متعلقہ قانون کی پاسداری کی جائے گی۔ پی ٹی آئی رضا کار ضلعہ انتظامیہ کے ساتھ مکمل تعاون کریں گے۔

6۔ ریلی کے باعث کسی بھی جگہ کارروباری مراکز کو بند کرنے اور نقصان پہنچانے کی اجازت ہر گز نہیں ہوگی۔

7 ۔ریلی میں کارکنوںسمیت متعلقہ افراد ڈنڈے، یا اس سے متعلقہ کوئی چیز ساتھ نہیں لاسکیں گے۔

8۔ریلی کے دوران کسی کے بھی جذبات احساسات مجروح نہیں ہوں گے۔

9۔ریلی کےلئے کسی بھی جگہ کوئی استقبالیہ کیمپ نہیں لگائے جائیں گے۔ علاوہ ازیں ریلی کے روٹ پر کسی بھی طرح وال چیکنگ نہیں ہوگی۔

10۔ زبردستی کسی کو جلوس میں شامل نیں کیا جائے گا۔

11 ۔ریلی کو شام ساڑھے پانچ بجے  پر امن طور پر ختم کیا جائے گا۔ اجازت نامہ