بیروٹ خُورد سنگریڑی میں چیتے کا حملہ، خاتون سمیت تین افراد زخمی

ایبٹ آباد کے سرکل بکوٹ بیروٹ خُورد گاؤں سنگریڑی میں چیتے نے حملہ کر کے خاتون سمیت خاندان کے تین افراد کو زخمی کر دیا۔

مقامی لوگوں کے مطابق واقعہ پیر کی سہ پہر پیش آیا جب چیتا گاؤں میں گھس آیا اور گھر میں موجود افراد پر حملہ کر دیا جس کے نتیجے میں گھر کے تین افراد نصرت بی بی ،فرحان اور عدنان شدید زخمی ہو گئے۔

ریسکیو کنٹرول روم کو اطلاع ملتے ہی ریسکیو ٹیم فوراََ موقع پر پہنچی اور زخمیوں کو ابتدائی طبعی امداد دینے کے بعد ہسپتال منتقل کر دیا۔ واضح رہے کہ وائلڈ لائف حکام کی غفلت کے باعث ایبٹ آباد کے مضافاتی علاقوں اور گرد و نواح میں جنگلی جانور اکثر ابادی میں گھس اتے ہیں اور جانوروں کو ہلاک کرنے کے علاوہ انسانوں پر بھی حملہ اور ہوتے ہیں جس کے نتیجے میں اب تک متعدد افراد زخمی ہو چکے ہیں جبکہ بڑی تعداد میں بکریاں اور دیگر جانور ان حملوں میں مارے جا چکے ہیں۔

Leopard attack, three people including woman injured،بیروٹ خُورد سنگریڑی میں چیتے کا حملہ