الیکشن کمیشن نے 77 اضافی مخصوص نشستوں پررکنیت معطل کر دی

الیکشن کمیشن نے سپریم کورٹ کے حکم پر عملدرآمد کرتے ہوئے 77 اضافی مخصوص نشستیں معطل کرنے کا نوٹیفکیشن جاری کردیا۔ اوراضافی نشستوں پر 77 ارکان کی رکنیت معطل کردی ہے جس میں قومی اسمبلی سے اضافی مخصوص نشستوں پر 22 منتخب اور 3 اقلیتی ارکان کی رکنیت معطل کی گئی ہے۔

نوٹیفکیشن کے مطابق قومی اسمبلی سے اضافی مخصوص نشستوں پر 22 منتخب ارکان ، 19خواتین اور 3 اقلیتی ارکان معطل ہوئے۔ الیکشن کمیشن کا کہنا ہے کہ کے پی اسمبلی سے اضافی مخصوص نشستوں پر 25 ارکان ، 21 خواتین اور 4 اقلیتی ارکان معطل کئے گئے۔ نوٹیفکیشن کے مطابق پنجاب اسمبلی سےاضافی مخصوص نشستوں پر 27ارکان ، 24 خواتین اور3 اقلیتی رکن معطل ہوئے جبکہ سندھ اسمبلی سے پیپلز پارٹی اورایم کیو ایم کی ایک ایک خاتون ممبر کی رکینت معطل کی گئی جبکہ پیپلز پارٹی کے ایک اقلیتی رکن بھی معطل ہوا۔

پنجاب اسمبلی سےمسلم لیگ ن کی مخصوص نشست پر منتخب 21 ارکان معطل ہوئے ، پی پی،آْئی پی پی اور ن لیگ کی ایک ایک خواتین رکن کی رکنیت معطل کی گئی جبکہ مسلم لیگ ن کے2 اور پیپلز پارٹی کے ایک اقلیتی ممبر کی رکنیت معطل ہوئی۔ یاد رہے الیکشن کمیشن کو مخصوص نشستوں پرارکان کوڈی نوٹیفائی نہ کرنے کی تجویز دی گئی تھی، ذرائع نے بتایا تھا کہ الیکشن کمیشن کےلا ونگ نے مخصوص نشستوں سےمتعلق اپنی رائےدی۔

ذرائع کا کہنا تھا کہ سپریم کورٹ نے الیکشن کمیشن اورپشاور ہائیکورٹ کافیصلے کالعدم قرار نہیں دیا، سپریم کورٹ نے الیکشن کمیشن اور پشاور ہائیکورٹ کا فیصلہ معطل کیا ہے، سپریم کورٹ کے حکم کے عین مطابق عمل درآمد کیا جائے۔ لاونگ نے رائے دی کہ فیصلے کےمطابق رکنیت معطل کی جا سکتی ہےڈی نوٹیفائی نہیں، الیکشن کمیشن نےسپریم کورٹ کےفیصلے پر لا ونگ سے رائے طلب کی تھی۔

ECP suspended the membership of 77 additional reserved seats77 ,اضافی مخصوص نشستوں پررکنیت معطل