آئی ایم ایف معاہدے کی منظوری کے بعد ڈالر مزید سستا
آئی ایم ایف معاہدے کی منظوری کے بعد ڈالر مزید سستا
انٹر بینک تبادلہ مارکیٹ میں روپے کے مقابلے ڈالر کی قیمت میں آج بھی کمی کا رجحان دیکھا جا رہا ہے۔
انٹربینک میں ایک روپے 97 پیسے کمی کے بعد ڈالر کی خرید و فروخت 275 روپے 50 پیسے میں جاری ہے۔
واضح رہے کہ گزشتہ روز ملکی تبادلہ منڈیوں میں ڈالر کے بھاؤ میں ایک روپے 9 پیسے کمی ریکارڈ کی گئی تھی۔
دوسری جانب پاکستان اسٹاک ایکسچینج (پی ایکس ایس) میں آج بھی کاروبار کا آغاز مثبت ہوا ہے،
100انڈیکس 90 پوائنٹس اضافے کے بعد 45 ہزار 605 پوائنٹس پر آگیا ہے۔
یہ بھی پڑھیں آئی ایم ایف کے ایگزیکٹو بورڈ نے پاکستان کا 3 ارب ڈالرکا قرض منظور کرلیا
خیال رہے کہ آئی ایم ایف ایگزیکٹو بورڈ پاکستان کے لیے 3 ارب ڈالر کے اسٹینڈ بائی معاہدے کی منظوری دے چکا ہےجس کے بعد آج ہی ڈالر کی قیمت میں مسلسل کمی اور اسٹاک مارکیٹ میں کاروبار کا مثبت رجحان دیکھا جا رہا ہے۔کئی روز قبل بھی آئی ایم ایف کے ساتھ اسٹینڈ بائے ارینجمنٹ (ایس بی اے) معاہدے کے فوری بعد اسٹاک ایکسچینج میں ریکارڈ کاروبار ہوا تھا جب کہ ڈالر کے بھاؤ میں غیر معمولی کمی ہوئی تھی۔