چارسدہ موٹر وے پرفائرنگ ، 3 افراد جاں بحق

چارسدہ موٹروے پر پیش آنے والے ایک ہولناک واقعے میں نامعلوم مسلح افراد نے گاڑی پر فائرنگ کر دی جس کے نتیجے میں 3 افراد جاں بحق اور 2 زخمی ہوگئے۔

پولیس نے  واقعے کی تصدیق کرتے ہوئے بتایا کہ لاشوں اور زخمیوں کو لیڈی ریڈنگ اسپتال پشاور منتقل کر دیا گیا، تھانہ پڑانگ کی حدود میں ملزمان فائرنگ کے بعد فرار ہوگئے.

سرکاری خبر رساں ادارے کی رپورٹ کے مطابق پولیس نے بتایا کہ فائرنگ کا واقعہ دیرینہ دشمنی کی وجہ سے پیش آیا، موٹروے پولیس اور ضلعی پولیس کی بھاری نفری موقع پر پہنچ گئی۔ پولیس کا کہنا ہے کہ ملزمان کی تلاش جاری ہے۔

Firing on Charsadda Motorway, 3 people died,چارسدہ موٹر وے پرفائرنگ ، 3 افراد جاں بحق