مریم نے مری لینڈ سلائیڈنگ متاثرین کی فوری امداد کا حکم دے دیا

وزیر اعلیٰ پنجاب مریم نواز نے نیو مری کے علاقے پڑھنہ میں لینڈ سلائیڈنگ کے واقعے کا نوٹس لیتے ہوئے متاثرہ علاقے میں فوری امدادی سرگرمیوں کی ہدایت کی ہے۔

انہوں نے مٹی کے تودے گرنے سے سات مکانات کے تباہ ہونے پر افسوس کا اظہار کیا اور متاثرین کو تمام ضروری سامان اور امدادی چیک فراہم کرنے کو کہا۔ انہیں بتایا گیا کہ ضلعی انتظامیہ امدادی سرگرمیوں میں مصروف ہے۔ علاقے میں لینڈ سلائیڈنگ کے باعث سات مکانات کو نقصان پہنچا اور خاندانوں کو دوسری جگہوں پر منتقل ہونا پڑا۔

تاہم، منگل کو ضلعی انتظامیہ مری نے گاؤں میں مزید تین مکانات خالی کرائے کیونکہ لینڈ سلائیڈنگ سے علاقے کو نقصان پہنچ رہا تھا۔

میڈیا سے بات کرتے ہوئے ڈپٹی کمشنر آغا ظہیر شیرازی کا کہنا تھا کہ لینڈ سلائیڈنگ کے بعد متاثرین کو امدادی سامان فراہم کیا گیا۔ تاہم لینڈ سلائیڈنگ ابھی تک نہیں رکی تھی .انہوںں نے کہا کہ انتظامیہ نے متاثرہ خاندانوں کو ملحقہ اسکولوں میں جگہ فراہم کی ہے۔ لوگوں کو بروقت وہاں سے نکال لیا گیا، اور کسی جانی نقصان کی اطلاع نہیں ملی۔

انہوں نے مزید کہا کہ حکومتی ہدایات کے مطابق ہر گھر کو 400,000 روپے معاوضے کے طور پر فراہم کیے جائیں گے، اور حکومت آنے والے دنوں میں مزید فراہم کرنے کے لیے کوشاں ہے۔ انہوں نے مزید کہا کہ لینڈ سلائیڈنگ کی وجہ سے سڑک بند تھی اور ایک متبادل راستہ چالو کر دیا گیا تھا۔

انہوں نے کہا کہ مرکزی سڑک کو جلد صاف کر کے مرمت کر دی جائے گی۔

Maryam ordered immediate assistance to the landslide victims ,مری لینڈ سلائیڈنگ متاثرین کی فوری امداد کا حکم