سرکل بکوٹ کی8 میں سے 5 یونین کونسلزروایتی سیاست سےباغی

ایبٹ آباد (نوید اکرم عباسی)
سرکل بکوٹ کی8 میں سے پانچ یونین کونسلز نے مسلم لیگ ن اور تحریک انصاف سے ٹکٹ مانگ لیااور کہا ہے کہ  ہم  "اپنا علاقہ، اپنا نمائندہ ” کے نام سے اتحاد بنا رہے ہیں اور اپنے ممبر صوبائی اسمبلی اور قومی اسمبلی لائیں گے ، ان علاقوں کے عمائدین نے سیاست سے بالا تر ہو کر پائیدار علاقائی ترقی اور اپنی شناخت کے لئے ایبٹ آباد پریس کلب میں منعقدہ گرینڈ مشاورتی جرگے میں مشترکہ طور پر قومی اور صوبائی اسمبلی کے لئیے امیدوار لانے کا فیصلہ کر لیا ۔

یونین کونسل پٹن کلاں ۔ ککمنگ ۔ دلولہ۔ بوئی اور نمبل کی طرف سے یونین کونسل بکوٹ، بیروٹ  اور پلک پر عدم اعتماد  ظاہر کرتے ہوئے کہا گیا ہے کہ ان  یونین کونسلز سے ہٹ کر ہمارا نمائیندہ ہوگا ۔پانچ یونین کونسل کے محمود آف بوئی شفیق قریشی، ایم پی قریشی ،محمد ندیم شاکر عباسی ککمنگ احتشام علی رحمان ڈاکٹر رشید ۔ شکیل قریشی ندیم احمد، شاکر عباسی اور  دیگر نے ایبٹ آباد پریس کلب میں پر ہجوم پریس کانفرنس سے خطاب کرتے ہوئے یہ اعلان کیا۔ اس موقع پر عمائدین کی بڑی تعداد موجود تھی ۔

مقررین نے سابق اراکین اسمبلی پر کڑی تنقید کرتے ہوئےکہا ہے کہ ہماری کونسلوں کو ترقی سے محروم رکھا گیاہے ۔سکولوں ہسپتالوں کی حالت  ابتر ہے ،شاہرات کھنڈر بنی ہوئی ہیں ۔ محرومیاں جنم لے رہی ہیں۔ اب تک کوئی بھی نمائندہ ہماری حق نمائندگی  ادا نہیں کر سکا اب ہم اپنے حق کے لئے  خود لڑیں گے ۔پی ٹی آئی یا ن لیگ نے ہمارے اتحاد "اپنا علاقہ اپنا نمائندہ”   کے امیدوار کو ٹکٹ نہ دیا تو ہم آزاد امیدوار لائیں گے ۔اور روایتی سیاستدانوں کو ٹف ٹائم دیں گے ۔

صحافیوں کے سوالات کا جواب دیتے ہوئے شرکاء نے کہاکہ ہمارا اتحاد کسی کے خلاف نہیں ہے ہم سرکل بکوٹ کی پانچ یونین کونسلز  کے ساتھ سرکل رش کی باقی کونسل کو ملا کر اپنی تحصیل اور اپنا نمائندہ الگ کریں گے ۔ اپنے علاقہ کی ترقی کے لئے اکھٹے ہوئے ہیں ۔ ایک سوال پر  ان کا کہنا تھا کہ تعصب سردار مہتاب احمد عباسی اور نزیر احمد عباسی نے پھیلایا ہمارے کام نہیں کئے۔2013 تک سردار مہتاب کامیاب ہوتے رہے اور انہوں نے سیاست کو اپنے خاندان تک محدود کیا تو لوگوں نے دوسرے آپشن کے طور پر نذیر عباسی کا چناؤ کیا ۔ لیکن وہ بھی اپنی ذات تک محدود رہے اور ہماری محرومیوں میں اضافہ ہوا ہے،ٹکٹ بھائیوں میں رشتے داروں میں تقسیم کئے گئے۔ فنڈز کا منصفانہ استعمال نہیں کیا گیا  ۔ اعلان کردہ کالجز اور دوسرےترقیاتی منصوبے بھی مکمل نہیں ہو سکے  ۔

اس موقع پر محمد یونس قریشی خورشید ماسٹر اورنگزیب ۔چمیالی رحمان بوئی شمعروز خان ۔ حاجی ریاض احتشام عباسی بوئی یوتھ کونسلرمحمد شفیق قریشی یونین کونسل ککمنگ یونین کونسل نمل شمعروز خان ایم پی قریشی یونین کونسل پٹن کلاں ڈاکٹر رفیق یونین کونسل ککمنگ ۔موجود تھے ۔