آئی ایم ایف کو پٹرولیم لیوی میں اضافے کی یقین دہانی
حکومت نے قرضے کی اگلی قسط کیلئے پاکستان نےآئی ایم ایف کو آئندہ مالی سال کے دوران پٹرولیم لیوی بڑھانے کی یقین دہانی کرادی ہے جس کے نتیجے میں پٹرولیم مصنوعات کی قیمتوں میں مزید اضافے کا خدشہ ہے۔
تفصیلات کے مطابق عالمی مالیاتی ادارے کو یقین دہانی کرائی گئی ہے کہ پٹرولیم مصنوعات پر لیوی کا ہدف ایک ہزار 65 ارب روپے تک مقرر کیا جائے گا، رواں مالی سال پٹرولیم لیوی کا ہدف 8 سو 69 ارب روپے سے بڑھا کر 9 سو 18 ارب کیا جا سکتا ہے۔
وزارت خزانہ کے ذرائع کا کہنا ہے کہ آئندہ مالی سال کے دوران فی لیٹر پٹرولیم مصنوعات پر لیوی بڑھائی جا سکتی ہے، اگر نئی حکومت آنے سے پہلے فیصلہ کیا گیا تو اس کیلئے آرڈی نینس بھی لایا جا سکتا ہے۔ دوسری طرف پٹرولیم مصنوعات کی کھپت بڑھنے سے بھی نو سو آٹھارہ ارب روپے لیوی کا ہدف حاصل کیا جا سکتا ہے۔
ایم ای ایف پی ڈرافٹ کے مطابق آئی ایم ایف نے رواں مالی سال کیلئے مزید لیوی بڑھانے کا مطالبہ بھی کیا ہے، وزارت خزانہ اور آئی ایم ایف ، میں ہدف بڑھانے پر متفق ہیں۔
Assurance to IMF on petroleum levy, آئی ایم ایف کو پٹرولیم لیوی میں اضافے کی یقین دہانی