عمران خان کی منظوری کے بغیربجٹ پاس نہیں کیا جائے گا،گنڈاپور
پشاور میں وزیرِ اعلیٰ خیبر پختونخوا علی امین گنڈا پور نے ’جیو نیوز‘ سے بات چیت کے دوران کہا کہ منتخب وزیرِ اعلیٰ کو اپنے لیڈر سے ملنے نہیں دیا جا رہا، عوامی مینڈیٹ پر خیبر پختونخوا میں ہم نے حکومت بنائی۔
ان کا کہنا ہے کہ فارم 47 کی حکومت ڈیڑھ سال سے ملاقات میں رخنے ڈال رہی ہے، عدالتی احکامات کے باوجود ملاقاتیں نہیں کروائی جاتیں، وزیرِ اعلیٰ ہونے کے باوجود صرف چند بار ہی لیڈر سے ملاقات ہو سکی۔
علی امین گنڈاپور کا کہنا ہے کہ وفاقی اور پنجاب حکومتیں فنانس ٹیم کے ساتھ لیڈر سے نہیں ملنے دے رہیں، بجٹ کے حوالے سے بانیٔ پی ٹی آئی کی ہدایات واضح ہیں۔
