پاک فوج نے ایل او سی پر بھارتی ڈرون گرادیا
پاک فوج نے ایل او سی پر بھارتی ڈرون گرادیا
پاک فوج نے لائن آف کنٹرول (ایل او سی)پر بھارتی کواڈ کاپٹر کی فضائی حدود کی خلاف ورزی کو ناکام بناتے ہوئے مار گرایا۔
جارحیت کا ایک اور منصوبہ پاک فوج کی مستعدی اور شجاعت کے سامنے ناکام ہو گیا۔
یہ بھی پڑھیں :۔ ہندو پنڈت مودی پر برس پڑا
سکیورٹی ذرائع کے مطابق لائن آف کنٹرول (ایل او سی)کے بھمبر سیکٹر کے مناور علاقے میں بھارتی فوج نے کواڈ کاپٹر کے ذریعے پاکستانی فضائی حدود کی خلاف ورزی کرتے ہوئے جاسوسی کرنے کی کوشش کی تاہم پاک فوج نے بروقت کارروائی کرتے ہوئے دشمن کا کواڈ کاپٹر مار گرایا۔
یہ واقعہ پاک فوج کی پیشہ ورانہ مہارت، دفاعی تیاری اور چوکسی کا منہ بولتا ثبوت ہے۔
یہ بھی پڑھیں :۔ بھارت سے جنگ کا خطرہ موجود ہے،دو چار دن اہم ہیں،خواجہ آصف
دشمن کی طرف سے اس طرح کی حرکتیں خطے کے امن کو سبوتاژ کرنے کی دانستہ کوششیں ہیں
لیکن پاک فوج ہر قسم کی جارحیت کا فوری اور مثر جواب دینے کے لیے ہمہ وقت تیار ہے۔
پاک فوج دشمن کی کسی بھی ناپاک سازش کو خاک میں ملانے کی بھرپور صلاحیت رکھتی ہے
اور ہر محاذ پر مادرِ وطن کے دفاع کے لیے پرعزم ہے۔
انہوں نے کہا کہ پوری قوم اپنی بہادر افواج کے شانہ بشانہ کھڑی ہے اور انشا اللہ دشمن کو ہر جارحیت پر منہ توڑ جواب دیا جائے گا۔