بھارت بنگلادیش میچ کی براڈکاسٹ کے دوران لوگو سے پاکستان کا نام غائب
براڈکاسٹ کے دوران لوگو سے پاکستان کا نام غائب
آئی سی سی چیمپئنز ٹرافی کی براڈکاسٹ کے دوران لوگو پر پھر تنازع کھڑا ہوگیا۔ گروپ اے میں بھارت اور بنگلادیش کے میچ کی براڈکاسٹ میں ایونٹ لوگو پر پاکستان کا نام نہیں لکھا گیا۔
واضح رہے کہ گزشتہ روز پاکستان اور نیوزی لینڈ کے درمیان ہونے والے میچ کے دوران براڈکاسٹ میں لوگو پر پاکستان کا نام درج تھا۔
لوگو پر پاکستان کے نام کی غیر موجودگی کے باعث سوشل میڈیا پر آئی سی سی کو ہدف تنقید بنایا جارہا ہے۔
دوسری جانب آئی سی سی نے معاملہ میں تکنیکی خرابی کا اعتراف کرلیا۔
ترجمان آئی سی سی کا کہنا ہے کہ گرافکس کی غلطی تکنیکی وجہ سے ہوئی جو کل سے درست ہوجائے گی۔
ترجمان نے بتایا کہ میچ کے دوران اس لوگو کو تبدیل کرنا ممکن نہیں تھا۔
خیال رہے کہ آئی سی سی کے سوشل میڈیا اکاؤنٹس پر میچ کی کلپس پر لوگو میں پاکستان کا موجود ہے۔ پاکستان کا نام صرف براڈ کاسٹ کے لوگو سے غائب رہا۔