شہید میجر حسیب اور حوالدر نوراحمد فوجی اعزازکیساتھ سپرد خاک
شہید میجر حسیب اور حوالدر نوراحمد فوجی اعزازکیساتھ سپرد خاک
14 نومبر کو ہرنائی میں شہید میجر محمد حسیب اور شہید حوالدار نور احمد کو مکمل فوجی اعزاز کیساتھ سپرد خاک کر دیا گیا۔
مسلح افواج کے شعبہ تعلقات عامہ آئی ایس پی آر کے مطابق شہید میجر محمد حسیب کو ضلع راولپنڈی اور شہید حوالدار نور احمد کو ضلع بارکھان میں مکمل فوجی اعزاز کے ساتھ سپرد خاک کیا گیا۔
مزید خبریں پڑھیں
آئی ایس پی آر کے مطابق شہدا کی نماز جنازہ اور تدفین میں اعلیٰ عسکری وسول حکام اور فوجی جوانوں نے شرکت کی۔ شہدا کی نماز جنازہ اور تدفین میں شہدا کے رشتہ داروں اور اہل علاقہ کی بڑی تعداد نے شرکت کی۔
آئی ایس پی آر کے مطابق دفاع وطن میں ہمارے شہدا کی یہ عظیم قربانیاں ہمارے جذبے اور ایمان کو تقویت دیتی ہیں۔
آئی ایس پی آر کے مطابق پاک فوج قوم کی غیر متزلزل حمایت سے دہشتگردی کے ناسور کے مکمل خاتمہ کیلئے پرعزم ہے۔