سعودی عرب میں 5پاکستانیوں کو سزائے موت دے دی گئی
قتل اور ڈکیتی کا جرم ثابت.نجی کمپنی میں ڈکیتی اور بنگلہ دیشی چوکیدار انیس کو قتل کیا تھا
سعودی عرب میں قتل اور ڈکیتی کی وارداتوں میں ملوث 5 پاکستانیوں کو سزائے موت دے دی گئی۔
مزید خبریں پڑھیں
سعودی وزارتِ داخلہ کے مطابق مذکورہ 5 پاکستانیوں نے نجی کمپنی میں ڈکیتی کی تھی اور بنگلہ دیشی چوکیدار انیس میاں کو قتل کیا تھا۔ تفتیشی اداروں نے واقعے کی تفتیش کرتے ہوئے پانچوں ملزمان کو گرفتار کر لیا تھا۔
عدالت نے الزامات ثابت ہونے پر 5 پاکستانیوں ارشد علی دیبر محمد اسماعیل، عبدالمجید حاجی نورالدین،عبدالغفار محمد سوما ،خالد حسین پتوچو قربان علی اور عبدالغفار میر بحر لطف اﷲ کو موت کی سزا سنائی تھی۔ سعودی اپیل کورٹ نے فیصلے کو برقرار رکھا تھا جبکہ سعودی شاہی ایوان نے پانچوں مجرمان کی موت کی سزا کے حتمی فیصلے پر عمل درآمد کی منظوری دی تھی جس پر گزشتہ روز عمل درآمد کرتے ہوئے پانچوں مجرمان کو سزا دے دی گئی۔