سابق وفاقی وزیر فہمیدہ مرزا کی گاڑی کو حادثہ

کراچی کے علاقے ڈی ایچ اے میں سابق وفاقی وزیر ڈاکٹر فہمیدہ مرزا کی گاڑی کو حادثہ پیش آیا ہے۔

پولیس حکام کے مطابق حادثہ درخشان تھانے کی حدود میں خیابان شمشیر پر پیش آیا۔

پولیس حکام کا مزید کہنا ہے کہ حادثے میں ڈاکٹر فہمیدہ مرزا کو چوٹ آئی ہے

انہیں اسپتال روانہ کردیا گیا۔

فہمیدہ مرزا کے صاحبزادے حسنین مرزا کا کہنا ہے کہ پیچھے سے آنے والی گاڑی نے والدہ کی گاڑی کو ٹکر ماری، حادثے میں فہمیدہ مرزا زخمی ہوئی ہیں۔

انہوں نے مزید بتایا کہ فہمیدہ مرزا کو نجی اسپتال منتقل کیا گیا ہے تاہم ان کی حالت خطرے سے باہر ہے۔