محسن نقوی کی پی ٹی آئی کارکنوں کےپتھراؤ سےزخمی اہلکاروں سےملاقات

نگران وزیراعلیٰ پنجاب محسن نقوی نےمنگل کی صبح ایک بار پھرسروسز ہسپتال کا دورہ کیا۔ اور پی ٹی آئی کارکنوں کے پتھراؤ سے زخمی ڈی آئی جی آپریشنز اسلام آباد شہزاد بخاری، ایس ایچ او تھانہ کوٹ لکھپت اشفاق، ایس ایچ او تھانہ نشتر شبیر اعوان اور دیگر پولیس اہلکاروں سے ملاقات کی اور ان کی عیادت کی۔

اعلامیے کے مطابق وزیراعلیٰ فرداً فرداً زخمی پولیس افسروں اور اہلکاروں کے پاس گئے اور ان کی خیریت دریافت کی۔انہوں نے ہسپتال انتظامیہ کو ہدایت کی کہ زخمی پولیس افسروں اور اہلکاروں کو علاج معالجے کی بہترین سہولتیں فراہم کی جائیں۔ انہوں نے یقین دلایا کہ پنجاب حکومت پولیس افسروں اور جوانوں کے ساتھ کھڑی ہے۔

سیاسی کارکنوں کی اشتعال انگیزی اور پتھراؤ کے باوجود پولیس فورس نے تحمل کا مظاہرہ کیا۔ پولیس فورس کے افسر اور جوان فرض کی ادائیگی کے دوران زخمی ہوئے۔ہماری تمام تر ہمدردیاں زخمی پولیس افسروں اور اہلکاروں کے ساتھ ہیں۔انہوں نے کہا کہ قانون شکنی کرنے والوں کے خلاف قانون اپنا راستہ بنائے گا۔چیف سیکرٹری پنجاب بھی وزیر اعلٰی کے ہمراہ تھے۔