ملکوٹ میں شراب سپلائی کرنے کے الزام میں ڈاکٹر گرفتار

عوام کا مطالبہ ہے کہ بکوٹ پولیس منشیات فروشوں کی سرکوبی کیلئے مری پولیس کا بھی تعاون حاصل کرے کیونکہ شراب، چرس ، آئس اور دیگر منشیات کا بڑا حصہ پنجاب کے مختلف علاقوں اور شہروں سے سمگل کر کے لایا جاتا ہے۔ اس حوالے سے خاص طور پر نیٹ ورک میں شامل ٹیکسی اور دیگر ٹرانسپورٹ ڈرائیورز کا سراغ لگانا ضروری ہے۔

دریں اثناء ڈاکٹر کی گرفتاری کے حوالے سے چیئرمین ویلیج کونسل ملکوٹ سیف اللہ عباسی نے اپنے بیان میں کہا ہے کہ ٹیکسی ڈرائیور عاطف عباسی کاشراب کی سپلائی سے کوئی تعلق نہیں کیوںکہ ٹیکسی میں کوئی بھی مسافر بیٹھ سکتا ہے۔ انہوں نے کہا کہ یہ کارروائی کوہالہ پولیس نے آزاد کشمیر پولیس کے تعاون سے کی ہے کہ مذکورہ ڈاکٹر آزاد کشمیر میں بھی اسی قسم کی سرگرمیوں میں ملوث رہا ہے ۔ ان کا کہنا ہے کہ ملزم کو ملکوٹ سے گرفتار کیا گیا ہے۔
انہوں نے اس عزم کا اظہار کیا کہ علاقے میں منشیات یا شراب فروشی سمیت کسی قسم کی منفی سرگرمیوں کی اجازت نہیں دی جائے گی ۔