ساہیوال میں کبڈی میچ کے دوران دو گروپوں میں جھگڑے کے بعد لاٹھیاں اور گولیاں چلنے سے 2 افراد جاں بحق ہوگئے۔پولیس کے مطابق ساہیوال کے چک 46 جی ڈی میں کبڈی میچ کےدوران دوگروپوں میں جھگڑا ہوا جس میں لاٹھیاں اور گولیاں لگنے سے 2 افراد جاں بحق ہوگئے۔پولیس کا کہنا ہے کہ مقتولین میں فیض اور اسلم شامل ہیں جن کی لاشیں ڈیڈ ہاؤس منتقل کردی گئی ہیں۔پولیس کے مطابق دونوں گروپوں میں رشتے کے تنازعہ پر پرانی رنجش تھی۔ قتل کا مقدمہ درج کر کے پانچ نامزد ملزمان کی تلاش شروع کردی گئی ہے۔
ساہیوال، کبڈی میچ کے دوران جھگڑا،2 جاں بحق
