8اکتوبرکے قیامت خیز زلزلے کی آج 18 ویں برسی ہے
8اکتوبرکے قیامت خیز زلزلے کی آج 18 ویں برسی ہے
پاکستان اور آزاد کشمیر میں 8 اکتوبر 2005 کقو آنے والے قیامت خیز زلزلے کو آج 18 برس مکمل ہو گئے ہیں،اس زلزلے کے نتیجے میں آنے والی خوفناک تباہی 80 ہزار سے زائد افراد لقمہ اجل بن گئے تھے۔ مظفر آباد سمیت آزاد کشمیر کے کئی شہروں کے علاوہ ہزارہ ڈویژن کا شہر بالاکوٹ بھی ملبے کا ڈھیر بن گیا تھا۔ عمارتیں ٹوٹ پھوٹ کر تنکوں کی صورت بکھر گئی تھیں جبکہ بھرے بازار اور آبادیاں قصہ ماضی بن گئی تھیں۔
شہدائے زلزلہ کی برسی کے موقع پر اپنے پیغا م میں وزیر اعظم آزادکشمیر چوہدری انوارالحق نے کہا ہے کہ 8اکتوبر2005کے زلزلے کے بعد صحت اور تعلیم کے سیکٹر کو مکمل طور پر بحال کرنے کے لئے 52ارب روپے کی خطیر رقم کی ضرورت ہے۔ انہوں نے کہا کہ اس سانحہ میں عالمی برادری نےانسانی ہمدردی کے تحت ایک ایسا مثالی کردار ادا کیاجس نے پاکستانی قوم اور کشمیری عوام کے دل جیت لئے۔ ہمیں امید نو کے ساتھ آگے بڑھنا ہوگا اور قدرتی آفات سے نمٹنے اور نقصان کو کم سے کم کرنے کیلئے آگاہی فراہم کرنا ہوگی۔ جن ممالک نے اس سانحہ میں ہماری مدد کی ان کی خدمات کویادرکھا جائیگا۔
انہوں نے کہا کہ 08اکتوبر کے بعد حکومت پاکستان اورپاکستانی قوم اس سانحہ کی تباہ کاریوں سے پیدا ہونے والے حالات سے مقابلہ کرنے کیلئے ایک ایسی زنجیر بن گئی جس کی وجہ سے ہمارے حوصلے بڑھے اور ناممکن کام ممکن ہوا۔ انہوں نے کہا کہ 2005میں ہونے والے زلزلہ کے بعدآزاد خطہ میں تعمیر و ترقی اور متاثرین کی بحالی کا کام تیزی سے جاری ہے۔ اجڑی بستیاں آبادیوں میں تبدیل ہو رہی ہیں۔
انہوں نے کہا کہ صحت اور تعلیم کے سیکٹر کو مکمل طور پر بحال کرنے کے لئے 52ارب روپے کی خطیر رقم کی ضرورت ہے۔ اس سلسلہ میں حکومت آزادکشمیر اپنی تمام تر توانائیاں بروئے کار لا رہی ہے۔تاکہ مرحلہ وار بحالی کا عمل مکمل کیا جا سکے۔ انہوں نے کہا کہ عوام کو زندگی کی تمام سہولیات بہم پہنچانے کے لئے تمام ممکنہ اقدامات کئے جا رہے ہیں۔
Today is the 18th anniversary of the October 8 earthquake,8اکتوبرکے قیامت خیز زلزلے کی آج 18 ویں برسی ہے