عمران خان کی اسپتال واپسی کی ویڈیو بنانے والا گرفتار-بانی پی ٹی آئی عمران خان کی پمز اسپتال سے واپسی کی ویڈیو بنانے والے جماعت کے سوشل میڈیا کارکن کو حراست میں لے لیا گیا۔
رپورٹس کے مطابق حیدر سعید کو داہگل ناکہ کے قریب سے تحویل میں لیا گیا، جس کے بعد انہیں پولیس وین کے ذریعے پولیس چوکی اڈیالہ منتقل کر دیا گیا۔
ذرائع کا کہنا ہے کہ حیدر سعید گزشتہ شب پمز اسپتال کے باہر موجود تھے اور انہوں نے بانی پی ٹی آئی کی اسپتال سے روانگی کے وقت گاڑیوں کی ویڈیو فوٹیج بنائی تھی۔
پولیس کی جانب سے تاحال اس گرفتاری کی وجوہات سے متعلق باقاعدہ بیان جاری نہیں کیا گیا۔
